ہالینڈ کے انٹیلی جنس حکام کا کہنا ہے کہ دارالحکومت ایمسٹرڈم میں قائم ایرانی سفارت خانے میں ملازمت کرنے والے دو ایرانی ملازمین کو ملک چھوڑنے کا حکم دیا گیا ہے۔
العربیہ ڈاٹ نیٹ کے مطابق انٹیلی جنس ادارے کے ترجمان نے بتایا کہ ہم ایرانی سفارت خانے میں ملازمت کرنے والے دو ایرانیوں کو بے دخل کرنے کی تصدیق کرسکتے ہیں تاہم اس حوالے سے مزید تفصیلات سامنے نہیں آئیں۔
خیال رہے کہ چند روز پیشترآسٹریا کی وزارت خارجہ نے کہا تھا کہ فرانس میں ایرانی اپوزیشن کے اجلاس میں دھماکوں کی سازش تیار کرنے اور اس میں ملوث ملزم کی جرمنی میں گرفتاری کے بعد ایرانی سفارت خانے کا اسٹیٹس واپس لینے پر غور شروع کیا ہے۔
یورپی ذرائع کے مطابق گذشتہ ہفتے جرمنی میں 47 سالہ اسد اللہ اسدی نامی ایک سفارت کار کو گرفتار کیا گیا تھا۔
اسدی مبینہ طورپر اس گینک کا سرغنہ بتایا جاتا ہے جس کے ذمہ پیرس میں ایرانی اپوزیشن کے اجلاس کے دوران دہشت گردی کی منصوبہ بندی کی تھی۔
No comments:
Post a Comment